Amos Namibia

AMOS is 'n dissipelskapbediening in die landbou. Ons hoofdoel is om dissipels vir Jesus te maak en mense te leer om dissipels te maak. Daarvoor is opleiding en die bemagtiging van die hele mens nodig.

Amos Agrimin is sedert 1993 'n Christelike, veelrassige, interkerklike landboubediening wat fokus op die landelike en boerderygemeenskap in Suidelike Afrika en Afrika. Op 13 Augustus 1993, op die plaas Swartwater naby Memel in die Vrystaat (Suid-Afrika) word die visie wat God aan ds. Hennie Viljoen en sy vrou Janetta gegee het saam met 'n groepie Christenboere, geformuleer, naamlik "Elke plaas vir Christus". Die missie is om elke persoon in Afrika, wat deel van die landelike en boerderygemeenskap is, die geleentheid te bied om in 'n persoonlike verhouding met Christus te staan en volgens Bybelse waardes en norme te leef en te boer.